Dialettali 11 giugno 2018 · lettura 1 min · 859 letture

+ Segui

Mastu Franchino ‘i Surriento ‘u riggiularo tene’a grazzia nun sulo a faticà. Tre centimetri ‘i fore squadro s’arrobba rint’ ‘u mestiere, ma ‘nu ladro nunn’è stato mai chist’ommo ccà. M’arricorda i fatti suoi ‘ncopp’e fatiche: ‘u barr “Fauno” a Surriento, ‘a casa ‘i l’architetto rint’u vico. Quann ‘ncontra cane e vatte è ‘nu piacere a senterl’e parlà. “Delinque’, viene ccà! Che è, te mmuore ‘i suonno? Micio micio micio t’è ccà!” E l’accarezza e ‘i ratte ‘ncapa e sott’ u musso e chille p’u piacere cecano l’uocchie e se fanno cunzulà. Si me fa male ‘a capa o quanno tengo ‘nu poco ‘i pecundria c’u ‘na battuta ‘i spirito Mastu Franchino me face ripiglià.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Guido Buono