Amore 4 marzo 2009 · lettura 1 min · 3632 letture

+ Segui

Mi piaghes cando caglias e cumparis assente, non ti toccat sa 'oghe mia, e dae tesu m'iscurtas dulchemente. Paret chi sos ojos non siant cuddos ch'haias, e chi unu 'asu caente si siat firmadu in laras. Ja chi 'onzi cosa intundu giughet s'anima mia ispuntas dae sas cosas piena de tottu su chi naras. Mariposa sognada, ses a s'anima mia simizante, e pares sorre 'e sa malinconia . Cando caglias m'aggradas e non pares presente. E t'istas cun lamentu, mariposa turbante. Dae tesu m'ascurtas e non intendes: lassa chi mi caglie, cun su silentziu tou, e cun issu ti mande unu faeddu, giaru che una lantia luminosa, simplitze che un'aneddu. Ses che i sa notte, pasida e istellada. E su silentziu ch'has est de un'isteddu, arrivat dae tesu. Cando caglias m'aggradas ca ses comente assente. Lontana e dolorosa, dae tempus meda morta. Tando bastat solu unu faeddu, unu risittu appena. E so cuntentu meda, cuntentu de no intender cussa pena.

♥ 0 💬 3

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Gesuino Curreli

Sono nato in Sardegna e ci vivo, nella Barbagia, cuore antico dell'interno dell'isola, dove ci sono i monti....