Occhi fatati
Tanti voti mi mettu a pinzari
a la me vita di tant'anni arreri,
li tanti cosi ca nun potti fari
li sogni di giuvintù, li disideri;
chiddu cchiù duci nun mi fa durmiri
e passu 'i notti 'nmenzu li suspiri.
È lu disìu 'i 'na figghia, picciridda,
ccu li capiddi nìuri e 'mbucculati,
l'occhi ccu 'a luci di 'na granni stidda
e li fattizzi beddi di li fati;
ca mi veni a 'ncuntrari a lu purtuni
dànnimi vasuneddi a pizzicuni.
Certi notti mi pigghia 'a fantasìa
e 'ndi lu scuru sentu la so vuci,
ci jocu, idda ridi e sparrulìa
mentri mi vasa ccu 'a vuccuzza duci;
quannu fa jornu ca la notti mori
sentu 'a malincunia 'ndi lu ma cori.
Fu l'atra notti ca mi la 'nsunnaju
ca mi chiamava e vinìa currennu,
iu mi la misi 'ncoddu l'abbrazzaju
e tuttu 'u sognu lu passai chiàncennu;
mentri dd'occhi fatati mi dicìa:
nun chiànciri papà...restu ccu tia.
🌐
Pubblicata con licenza Creative Commons: puoi condividerla e ripubblicarla citando l’autore e la fonte.
Commenti (2)
Accedi per lasciare un commento.Accedi
Luciano Tarabella7 maggio 2011
Anche se non sono padrone del dialetto (siciliano?) ho capito quel tanto che mi è più che sufficiente per affermare che la poesia è splendida articolata in sestina di ottima fattura. S'abbenerica a vossia! (ho detto bene?)
f
filiberto8 maggio 2011
Molto bella sia nella forma di sestine rimate, sia nel contenuto che coinvolge. Una dialettale così non è affetto poesia di minore livello. Complimenti.