Dialettali 18 maggio 2011 · lettura 3 min · 1548 letture

S + Segui

Trasii 'ndi 'na putìa di viulini e cci truvaju 'nvecchiu ppi patruni, avìa puru chitarri e minnulini carcassi vecchi jittati 'ndi 'na gnuni. Ci dissi: cercu un vecchiu viulinu puru ca è senza cordi e senza archettu, mi servi sulu ppi mustra e dda vicinu ci mettu un pianuforti a mubilettu. Lu vecchiu mi talìa senza parrari e va 'ndu retru di lu magazzinu, iu c'aspittava, chi putìa pinzari c'havìa purtari 'nruttami di viulinu? Senza paroli si misi a travagghiari ccu modi svelti, praticu e sapienti, ddu lignu 'ncuminciàu a divintari lu re di re di tutti li strumenti; ccu cacciaviti pinzi e martidduzzu, muvìa li manu mentri ci parrava, parìa un patri ccu lu picciridduzzu ca l'accarizza e lu raccumannava, poi ccu n'attrezzu 'i ferru ci 'ntunàu tutti li cordi e li facìa vibrari, pigghiàu l'archettu e sveltu lu pruvàu e ddu ruttami 'ncuminciàu a "cantari" Ccu l'occhi chiusi si misi a sunari 'na miludia tristi e strazianti, 'ndi l'occhi so' 'ncuminciàu a calari 'na lacrima davveru emozionanti. Iu taliàva un pocu strabbudutu e nun sapiva chiddu c'hava fari, dopu ca ddu miraculu avìa vidutu ci dissi: quantu dinari vaja dari? Lu vecchiu ch'era ancora emozionatu mentri s'asciuca 'na lacrima nascenti mi dissi: "Iddu era mortu ed è risuscitatu chissu mi basta, no... nun vogghiu nenti." TRADUZIONE Sono entrato in una bottega di violini e vi trovai un vecchio titolare, aveva anche chitarre e mandolini carcasse vecchie buttate in un angolo. Gli dissi: cerco un vecchio violino anche senza corde e senza archetto, mi serve come suppellettile e là vicino gli metto un pianoforte a mobiletto. Il vecchio mi guarda senza parlare e va nel retro del magazzino, io che aspettavo, potevo mai pensare che portasse un rottame di violino? Senza parole si mise a lavorare con modi svelti pratico e sapiente, quel legno iniziò a diventare il re dei re di tutti gli strumenti; con giravite pinze e martellino, muoveva le mani mentre gli parlava, sembrava un padre con il figlioletto che l'accarezza e lo raccomandava, poi con un attrezzo di ferro gli accordò tutte le corde facendole vibrare, prese l'archetto e svelto lo provò e quel rottame iniziò a "cantare" Con gli occhi chiusi si mise a suonare una melodia triste e straziante, dagli occhi suoi iniziò a scendere una lacrima davvero emozionante. Io guardavo un po imbarazzato e non sapevo neanche cosa fare, dopo aver visto quel miracolo gli dissi: quanti soldi vi debbo? Il vecchio che era ancora emozionato mentre asciugava una lacrima nascente mi disse: "Lui era morto ed è resuscitato questo mi basta, no... non voglio niente"

♥ 0 💬 2

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Santo Grasso