Atrassare

No est galu pretzisu, fizu, nen craru cust'infinidu nudda ch'at arrancau sos chelos, chene prenare bodios chi semper prus t'ispantan, e binchen... ...no est galu detzisu, cand'as tastau su fracu de cust'istoria, in chima a s'urtimu affannare, cuasi esséret sa nega de una reconnoschentzia ammuntonada in s'oru de focos chi non caentan... ...non semus a sa fine, fizu dudosu... Podimus torrar'in palas contr'a una noba agunía, su tantu chi nos permittin sas nostras abbitúdines, cara a sas trasparentzias chi a mala pena s'allampian jocande intr''e s'ammentu... ...no est galu sa fine. Est solu un'ateru tzedere de coros chi non resessin a andare chin sa cadentzia de custu tempus mutzau, ma lassan apertu s'árzine a nobas próghidas d'ocros... No, chi no est sa fine... Est petzi un'atera lacrima ch'iffundet galu su semene de custu nostru atrassare ... TEMPOREGGIARE Non è definito ancora figlio, né chiaro questo infinito nulla che graffia ancora il cielo, senza riempire i vuoti che sempre ti stupiscono, e vincono... ...non è ancora deciso, quando avverti l'odore di questa storia, al vertice del suo estremo rantolo, quasi fosse il diniego di un'altra gratitudine accumulata ai margini di fuochi che non scaldano... ...non è la fine, ancora, figlio dubbioso... Possiamo retrocedere verso nuove agonie, quel tanto che ci permettono le nostre consuetudini, in faccia alle trasparenze che a stento s'intravedono giocare in mezzo al ricordo... ...non è ancora la fine E' solo un altro arrendersi di cuori, che non riescono ad adeguarsi al ritmo di questo tempo asincrono, ma lasciano aperto l'argine a nuove alluvioni d'occhi... No che non è la fine... E' solo un'altra lacrima che irrora ancora il seme del nostro temporeggiare...