Caristia e abbunnanza

Gnornu, la Caristìa e l’Abbunnanza stàvunu discurrennu ‘ncunfidenza. La prima, discurriva cu lagnanza la secunna, cu bòria e riggenza. Cara cummari, dissi l’Abbunnanza, havi sett’anni, cu giusta cadenza ca nun travagghiu, mi grattu la panza e nun canusciu nudda suffirenza. Rispunni ‘a Caristìa frisca e manza: cummari, la vita è ‘na sequenza e si guverna cu la so altirnanza; ogni sett’anni cancia la sintenza. Perciò, nun vi prijàti, ca ‘nsustanza li vostri anni, su a la scadenza.