E la chiàmanu matruzza

Oh povira Sicilia, amara idda, ‘nti manu di cu cerca scuru e fudda, genti ca la tradisci a menti fridda, pascènnu unni c’è la megghiu sudda; la chiàmanu matruzza, sì la stidda, di l’esistenza nostra, la casudda, vidènnu poi ca è sula sulidda, unu la tèni e l’àutru cafudda! Chiù tempu passa chiù sta isulidda ca ‘nta lu mari li tri pedi abbudda, du lustru ‘un vidi mancu ‘na lucidda. Ma tutti chiddi c’hannu la midudda, comu ponnu lassari sta rusidda, ‘nmenzu l’irbazza tinta ca ripudda?