Lu donu sacru

Veni, jèmu alleggiu, nun ti scantari, tèniti bedda forti a lu me vrazzu, nun avìri timuri a caminari e nun pinzari ca nun ci la fazzu. U sacciu ca sì sempri puntigghiusa e quantu un filu d’erba vo’ pisari, nun canci mai, armuzza ginirusa, pi tia chiddu ca cunta è sulu ‘u dari. Comu lu suli spanni ‘u so’ caluri, tuttu lu tempu senza si stancari, lu stissu ha fattu tu, sempri pi l’atri; a mia mi dasti senza sgavitari, ‘na cosa di grannissimu valuri: lu donu sacru di la vita... matri. TRADUZIONE: Vieni, andiamo piano, non ti spaventare, appoggiati con forza al mio braccio, non avere timore a camminare e non pensare che non ce la faccio. Lo so che sei sempre puntigliosa e vuoi pesare quanto un filo d’erba, non campi mai, anima generosa, per te quello che conta è sempre dare. Come il sole che spande il suo calore, tutto il tempo senza mai stancarsi, lo stesso hai fatto tu, sempre per gli altri; a me hai dato senza risparmiarti, una cosa di grandissimo valore: il dono sacro della vita... madre.