Puisia è

Puisia è lu ventu c’arrisvigghia l’oduri di li rosi e ginestri girsuminu ché ‘nciuri; è n’amuri chi nasci ca mai chiù mori, ‘a carizza d’un figghiu c’arrimodda lu cori; è n’aceddu chi canta supra un ramu pinnenti, n’orizzonti ca rapi a lu suli nascenti; è ‘ntramuntu pittatu di ciammi e faìddi, un celu curvinu ricamatu di stiddi. È ‘na matri c’allatta ‘i figghi a li minni, lu mari ca vasa li scogghi cu l’unni; è lu suli, apparenti, c’acchiàna e poi scinni, chiamànnu la luna ca splinnènnu rispunni. È n’arcana cumeta di granni splinnuri, n’emozioni vistuta d’innucenti russuri; è turnari a to’ casa chinu ‘i duci alligria pirchì c’è cu t’aspetta... puru chissa è puisia. TRADUZIONE: Poesia è il vento che risveglia gli odori, delle rose e ginestre gelsomino che è in fiore; è un amore che nasce che mai più muore, la carezza d’un figlio che intenerisce il cuore; è un uccello che canta su di un ramo pendente, un orizzonte che apre al sole nascente; è un tramonto pitturato da fiamme e scintille, un cielo corvino ricamato di stelle. È una madre che allatta i figli al suo seno, il mare che bacia gli scogli con le onde; è il sole, apparente, che sale e poi scende, chiamando la luna che splendendo risponde. È una misteriosa cometa di grande splendore, un’emozione vestita d’innocente rossore; è tornare alla tua casa pieno di dolce allegria perché c’è chi ti aspetta... anche quella è poesia.