Stidduzzi arcani

Stiddi stidduzzi quannu cumpariti, in modu arcanu comu tanti fati, d’oru e d’argentu ‘u celu ricamati, china d’incantu ‘a notti la faciti. Li piscaturi tutti li nuttati, a mari apertu càlanu li riti, talianu ‘ncelu a vui ca risplinniti e finu a ghiornu mai l’abbannunati. Quannu fa l’arba chiara e scumpariti, chianci lu suli ca nun l’aspittati, chianci la terra mentri vi nni jiti; chianci lu celu lacrimi ‘mmucciati, chianci lu ventu ‘ncerca d’unni siti, chianci lu mari finu ca turnati. TRADUZIONE: Stelle stelline quando comparite, in modo misterioso come tante fate, d’oro e d’argento il cielo ricamate, piena d’incanto la notte voi la fate. I pescatori tutte le nottate, nel mare aperto gettano le reti, guardano in cielo a voi che risplendete e fino a giorno mai l’abbandonate. Quando fa alba chiara e scomparite, piange il sole che non lo aspettate, piange la terra mentre ve ne andate; piange il cielo lacrime nascoste, piange il vento cercando dove siete, piange il mare fino che tornate.