Dialettali 15 marzo 2013 · lettura 4 min · 1833 letture

S + Segui

Nta dda vinedda * Nu iornu d’austu du quarantasetti u cauddu chi spaccava puru li petri un ciauru di racina supra li filari me Matri a vita mi vosi dari. Lu me primu ciatu nta dda vinedda comu fulata i ventu chinu di spiranza nto cori ddu raggiu d’amuri chinu di luci chiancennu dicia grazi a Cristu supra a cruci. Nto paisi nun mancava certu a puvirtà ma c’era tanta ricchizza di libbittà e onestà u tempu era tantu tristi pa criscenza ma era tanta a spiranza assemi a la pacienza. A filicità di crisciri nta dda vinedda era tanta e insignamenti di me patri tantu mpurtanti sentu ancora la so vuci amara e puru duci sunnu accussi priziusi sti ricoddi comu lu ciauru du pani cauddu cunsatu cu l’ogliu lu sentu ogni vota chi nta vinedda mi ricogghiu. Sti pinzeri taccati ca rumanedda sunnu nta li pareti di lu me cori comu ddi ottu canali d’acqua a lu bbuttiscu ** massettu a vaddu e trovu ricoddi paci e rifriscu. . E quannu a sira saddumunu i stiddi mi pari nu prisepiu nta dda conca * vaddatu a vista di ddu principi castiddazzu comu sintinella si iazza nta ddu ariusu cielo. Sta luntananza pi mmia cara vinedda e comu na spina sutta caddu u tempu passa ma non si sana sta firita ddu iornu d’austu quannu mi dasti a vita. Vurria cu ventu ti puttassi sti paroli stu cantu e pi ttia vinedda du me paisi ca ogni vota ca mi sentu tristi e ncrisi mi basta pinsari a tia vinedda mia. Traduzione In quella viuzza Un giorno di agosto del quarantasette/il caldo spaccava pure le pietre/il profumo dell’uva sopra i filari/mia madre la vita mi ha voluto dare. Il mio primo fiato in quella viuzza/come folata di vento pieno di speranza/nel cuore un raggio di luce piangendo ringraziava Dio sulla croce. Nel paese non mancava la povertà/ma c’era tanta ricchezza di libertà e onestà/quel tempo era triste per crescere un figlio/ armati di speranza e pazienza. La felicità di crescere in quella strada era tanta/con gli insegnamenti di mio padre cosi importanti/sento ancora la sua voce a volte amara a volte dolce/son cosi preziosi questi ricordi/come risentire il profumo del pane caldo condito con l’olio/ogni volta che ritorno in quella viuzza. Questi pensieri legati con la corda/sono dentro le pareti del mio cuore/come la fontana a otto canali del Bottesco /mi siedo la guardo trovo i ricordi, la mia pace e mi disseta. E quando la sera si accendono le stelle/mi sembra un presepio dentro quella conca/guardato a vista dal principe castello/che come sentinella si alza in quell’arioso cielo. Questa lontananza per me cara viuzza/e come una spina sotto callo/il tempo passa ma non sana questa ferita/dal quel giorno di agosto che mi hai donato la vita. Vorrei che il vento ti portasse le mie parole/come un canto d’amore a te viuzza del mio paese/perché ogni volta che mi sento triste o in crisi/mi basta pensare a te viuzza mia. *Vinedda: Piccolissima strada ** Bottiscu: fontana con vasca dove tutte le persone del paese andavano a lavare la biancheria familiare non essendoci l’acqua in casa. * Conca: perché il paese e dentro una vallata alle propaggini del monte Dinnammare parte dei monti peloritani.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Sebastiano Magazzù